Hjem Informasjon Revidert nasjonalbudsjett: Regjeringa vil styrkje innsatsen mot skrantesjuke

Revidert nasjonalbudsjett: Regjeringa vil styrkje innsatsen mot skrantesjuke

0
Foto: Christoffer Baraas

Regjeringa foreslår å flytte 2 millionar kroner i budsjettet for 2021 til arbeidet med skrantesjuke. Det er behov for ein styrkt innsats som følgje av eit nytt smitteutbrot på Hardangervidda som blei oppdaga i 2020.

Skrantesjuke er ein av vår tids alvorlegaste sjukdomar på ein viltart. For villrein er sjukdomen dødeleg i alle tilfelle. Klassisk skrantesjuke blei påvist på ein villreinbukk under villreinjakta på Hardangervidda september 2020. Dette er fyrste gong denne sjukdomen er funne utanfor Nordfjella, der den fyrst blei oppdaga i 2016.

-Funnet av skrantesjuke på Hardangervidda hausten 2020 har ført til eit behov for ein styrkt innsats mot denne sjukdomen. For å avgrense smitten og hindre vidare spreiing, må fleire omfattande tiltak bli sett i verk raskt. Derfor forslår regjeringa no å flytte 2 millionar kronar i 2021 til kampen mot skrantesjuke, seier klima- og miljøminister Sveinung Rotevatn (V).

Tiltak mot skrantesjuke er viktig for å sikre friske bestandar av villrein i Noreg. Det er også viktig at vi hindrar vidare spreiing til andre villreinstammer eller til tamrein og anna hjortevilt. Tiltaka og vegen vidare skal tuftast på fakta og faglege råd – og sjølvsagd med lokal involvering. Aktuelle tiltak i 2021 er blant anna merking av villrein, tiltak for å hindre utveksling mellom bestandar, analyse av felt villrein, jaktoppsyn og andre lokale tiltak.

ANBEFALT FOR DEG

LEGG IGJEN EN KOMMENTAR

Vennligst skriv inn din kommentar!
Vennligst skriv inn navnet ditt her

Dette nettstedet bruker Akismet for å redusere spam. Lær om hvordan dine kommentar-data prosesseres.